DÜNYA

DÜNYA (63)

Avqustun 9-da İsrailin Təl-Əviv Yafo şəhərində müstəqil dövlətimizə və Azərbaycan əsgərinə dəstək məqsədilə yürüş-mitinq keçiriləcək.

Pressinfo.az AzTimes.az a-iatinadan xəbər verir ki, bu barədə Diasporla İş üzrə Dövlət Komitəsi məlumat yayıb. “İsraildəki Azərbaycan Evi”nin rəhbəri Nexemya Şirin Mixaelinin təşkilatçılığı ilə baş tutacaq aksiya şəhərdəki erməni mərkəzi və erməni kilsəsinin qarşısında gerçəkləşdiriləcək. Bakı Beynəlxalq Multikulturalizm Mərkəzinin İsraildəki nümayəndəliyinin rəhbəri, “The Jerusalem Post” qəzetinin siyasi şərhçisi Arye Qut deyib ki, Azərbaycan diasporu ilk dəfə İsraildə iri miqyaslı həmrəylik aksiyası keçirməyə hazırlaşır. Azərbaycan və İsrailin dövlət bayraqlarının dalğalanacağı, “Qarabağ Azərbaycandır!”, “Qarabağ bizimdir, Bizim olacaq!” şüarlarının səsləndiriləcəyi icazəli aksiya zamanı ictimai asayişin qorunmasına İsrail polisi nəzarət edəcək. O, bildirib ki, bu aksiya Azərbaycan-İsrail münasibətlərinin yüksək səviyyədə olduğunu göstərir. “Ermənistan və ona havadarlıq edən dövlətlər bu aksiyanın keçirilməsini istəməsələr də, bu tarixi hadisə baş verəcək. İsraildəki Azərbaycan diasporunun səfərbər edilməsi baxımından tarixi bir gün yaşayacağıq”, – həmvətənimiz vurğulayıb. A.Qut İsraildə yaşayan Azərbaycan əsilli yəhudilərə müraciət edərək, onları aksiyada fəal iştirak etməyə çağırıb

“Azərbaycan bizi aclıqdan xilas etdi, bunu unutmarıq” - Mixeil Saakaşvili 1 058 AA Son dövrlər cəbhənin Tovuz istiqamətində ermənilər tərəfindən törədilən təxribat zamanı Azərbaycana qarşı Serbiya istehsalı olan silahlardan istifadə edilməsi barədə məlumatlar yayılıb. İddia edilib ki, bu silahlar Serbiyadan Gürcüstan vasitəsilə Ermənistana aparılıb. Məsələ ilə bağlı Gürcüstanın rəsmi şəxsləri bu məlumatı təkzib edərək ölkə ərazisindən Ermənistana heç bir silahın keçirilmədiyini bildiriblər.

BAKU.WS Modern.az-a istinadla xəbər verir ki, Gürcüstanın sabiq prezidenti Mixeil Saakaşvili mövzu barədə İctimai Televiziyaya müsahibə verib. Həmin müsahibəni təqdim edirik: - Belə bir fikir var ki, 2008-ci ildə Gürcüstanın dar günündə Azərbaycan ona yardım əli uzatmışdı. Bu barədə nə düşünürsünüz? - Azərbaycan bizə çox yardım edib. İlk növbədə 2005-ci ili yada salmaq istərdim. O zaman bizdə böyük enerji böhranı var idi. Gürcüstana daxil olan qaz boruları və elektrik xətləri kəsilmişdi. Azərbaycan bizi – milyonlarla gürcüstanlını soyuqdan qurtardı. Hətta deyərdim, aclıqdan, ölümdən xilas etdi. Bu, bir neçə həftə davam edirdi. Nə mən, nə Gürcüstan xalqı bu köməyi heç vaxt unutmarıq. Bundan sonra 2008-ci ildə ölkəmiz təcavüzə məruz qaldıqda Azərbaycan iqtisadi müstəvidə enerji hasilatı yönündə bir sıra tədbirlər gördü ki, bunlar Gürcüstan üçün həyati əhəmiyyət daşıyırdı. Bu əsl dost, əsl qardaş dəstəyi idi. Heç də hər qardaş Azərbaycanın göstərdiyi köməyi göstərməzdi. Belə məsələlər nəsillər, yüzilliklər boyu yaddaşlarda qalır. - Azərbaycanla Gürcüstan arasındakı münasibətlər regionun inkişafı baxımından niyə strateji əhəmiyyət daşıyır? - Çünki Azərbaycan və Gürcüstan iki qardaş ölkədir. Ölkələrimiz Mərkəzi Asiya, Yaxın Şərq və Avropa arasında yerləşir və bu çox mühüm rol oynayır. Həmçinin, xalqlarımız bir-birini sevir. Gürcüstanda çox böyük Azərbaycan icması var. Gürcüstan Azərbaycan üçün dünya bazarlarına çıxışı təmin edir. Azərbaycan Gürcüstan üçün əsas sərmayə, dəstək və ümumi inkişaf amilidir. Ona görə bu, demək olar ki, ideal bir uyğunluqdur. - Son dövrlər Gürcüstan hökumətinin Serbiya silahlarını Gürcüstan ərazisi üzərindən Ermənistana ötürməsi barədə məlumat yayılıb. Bu məlumata münasibət bildirə bilərsiniz? - Bu məlumat yoxlanıb təsdiqlənsə, ölkələrimiz arasındakı ənənəvi dostluq, xoşməramlılıq və qardaşlıq siyasəti ilə ciddi ziddiyyət təşkil edəcək. Təbii ki, Gürcüstan regionda münaqişələrin yox, sülhün bərqərar olmasında maraqlıdır. Biz anlamalıyıq ki, Gürcüstanın indiki hökuməti tam müstəqil deyil. Onlar güclü xarici təsir altındadır. Bu məhz Gürcüstanın xaricindən verilən tapşırıq ola bilər, Gürcüstan xalqının istəyi yox. Ölkəniz Gürcüstanın inkişafı üçün vacib amildir. Bizim Azərbaycanla münasibətlərimiz o səviyyədədir ki, onlara qarşı atılmış hər bir addım Gürcüstan xalqına qarşı atılmış bir addımdır. - Bu məlumat istər Azərbaycanın rəsmi dairələrində, istərsə də ictimaiyyətdə çox böyük qınaqla qarşılandı. Bu, iki ölkə arasındakı münasibətlərə necə təsir göstərə bilər? - Yenə də, məlumat təsdiqlənsə, bu addım tək Azərbaycan xalqına qarşı yox, Gürcüstan xalqına da qarşı atılmış bir addım olacaq. Bu addım regionda sülhə qarşıdır, mənim şəxsi fundamental prinsiplərimə qarşıdır. Bunu təşkil edən insanlar cəzalandırılmalıdır. Azərbaycanın Gürcüstana bütün bu illər ərzində etdiyi yaxşılıqların müqabilində bu çox böyük nankorluq olar. Minnətdarlıq anlayışı təkcə insanlara yox, ölkələrarası münasibətlərə də xasdır. Bizim Azərbaycana qarşı nankorluq etməyə heç bir səbəbimiz yoxdur. Biz Azərbaycana dərindən minnətdar olmalıyıq. - Gürcüstanda parlament seçkiləri yaxınlaşır. Bu məlumat seçkilərin nəticələrinə necə təsir göstərəcək? - Düşünürəm ki, son 2 seçkilər zamanı Gürcüstanın müasir tarixində ilk dəfə olaraq Gürcüstan azərbaycanlıları müxalifətə səs verdilər. Mənim üçün bu çox əlamətdardır. Bu o deməkdir ki, azərbaycanlılar da gürcülərlə yanaşı, özlərini ölkənin sahibi hiss edirlər və ona görə məsuliyyət daşıyırlar. İndiki hakimiyyət onlarla oyun oynaya bilməz. Onlar Gürcüstanın vətənpərvərləridir. Onlar Gürcüstan üçün çox iş görüblər və gələcəkdə də görəcəklər. Biz onları Gürcüstan hökumətinə daha çox inteqrasiya etməliyik. Çünki onlar da Gürcüstan cəmiyyətinin üzvləridir. Bu nöqteyi-nəzərdən, Gürcüstan azərbaycanlıları təzyiqə və hədələrə rəğmən bu seçkilərə də əsl vətənpərvərlər kimi baxıb azad seçim etməlidirlər.

Çərşənbə axşamı, 28 İyul 2020 11:52

Türkiyədə erməni müğənninin konserti ləğv olundu

Yazan

Britaniya rəsmiləri İspaniyada koronavirus infeksiyasına yoluxanların sayının kəskin artmasından sonra oradan qayıdanlar üçün icbari iki həftəlik karantin tətbiq etmək qərarına gəlib. Bu arada Şimali Koreyada isə Covid-19-a ilk yoluxma hadisəsi qeydə alınıb.

Dünya üzrə bazar gününə olan məlumata görə koronavirusa yoluxanların sayı 16 milyondur, son üç gündə yoluxanların sayı hər 24 saat ərzində 280 min nəfərədək artıb.

Bu qlobal statistikada təxminən hər dörd hadisədən biri ABŞ-ın payına düşür.

Meksikada, Lacero Cardenas şəhərində yerləşən ArcelorMittal poladtökmə zavodunun 21 işçisi koronavirusdan ölüb. Bu ölüm hadisələri aprel ayından bəri baş verib, ümumilikdə zavodda 7 mindən çox insan çalışır.

Meksikada Covid-19 səbəbi ilə baş verən ölüm hallarının ən yüksək səviyyələrindən biri qeydə alınıb: Codvid-19 diaqnozu 385 mindən çox insanda təsdiqlənib, onlardan 43500 nəfər ölüb

Şimali Koreyada ilk hadisə

Şimali Koreya "ölkədə koronavirusa yoluxma şübhəsi ilə ilk hadisənin" qeydə alındığını bildirib. KCNA agentliyinin məlumatına görə, xəstəlik üç il əvvəl Cənubi Koreyaya qaçmış, lakin ötən həftə demarkasiya xəttini keçərək vətəninə qayıdan bir insanda aşkarlanıb.

Kim Jong-un
 
Şəklin alt yazısı,

Şimali Koreya lideri hökümətin təcili iclasını keçirib

Ölkə lideri Kim Jong-un bu münasibətlə hökümətin təcili iclasını keçirib və sərhəd Kaesong şəhərində karantin tədbirləri tətbiq edib.

Şimali Koreya bundan əvvəl ölkədə Covid-19 hadisələrinin olmadığını bildirmişdi, təhlilçilər bunun az ehtimallı olduğunu zənn edirlər.

KCNA agentliyinin bildirdiyinə görə, Kim Jong-un həmin adamın sərhədi icazəsiz necə keçə bildiyini araşdırmağı əmr edib və günahkarların ağır cəza alacağını bildirib.

Bu arada, Cənubi Koreya son günlərdə iki ölkə arasındakı sərhəddə heç bir qanunsuz sərhəd keçidi barədə məlumat verməyib.

Britaniya infeksiyanın xaricdən gətiriləcəyindən ehtiyat edir

Britaniya Xarici İşlər Nazirliyi, vətəndaşlara İspaniyaya getməkdən çəkinməyi tövsiyə etdi.

Yeni tədbirlər Britaniya turizm operatorları və hava yolları tərəfindən tənqid olunub. British Airways şirkəti məhdudiyyətlərin "minlərlə britaniyalıların tətil planlarını xaosa çevirəcəyini" söyləyib.

Bundan əvvəl İspaniya höküməti Covid-19 koronavirusunun yayılması ilə mübarizə üçün yeni tədbirlərin tətbiq olunduğunu elan etmişdi.

El Pais qəzetinin məlumatına görə, ölkənin 52 vilayətinin ən azı 30-da yoluxanların sayında artım müşahidə olunur.

Karantin məhdudiyyətlərinin qaldırılmasından bir ay sonra, xüsusən Barselona, ​​Zaragoza və Madriddə koronavirus xəstələrinin sayı kəskin artıb.

bbc/azərbaycan

Türkiyənin Mersin əyalətinin Mut rayonunda hərbçiləri daşıyan avtobus aşıb.

PRESSINFO.AZ AZSABAH.COM a-istinadən xəbər verir ki, qəza nəticəsində avtobus sürücüsü və 5 hərbçi ölüb, 10 hərbçi isə yaralanıb.

Hərbçilər Şimali Kipr Türk Respublikasına gedirmiş.

Gürcüstanın azərbaycanlı vətəndaşları ölkə ərazisinə daxil olmaqla bağlı çətinliklə üzləşiblər.

Open.a "Report"a istinadən xəbər verir ki, 140 nəfər "Sınıq körpü" sərhəd-keçid məntəqəsinin yaxınlığında toplaşıb.

Onların Gürcüstana keçmələrinə hələ icazə verilmir. Soydaşlarımız COVID-19 testi verməyib və Vətəndə karantinə alınmağa razıdırlar. Həmin şəxslər arasında ahıl, xəstə, uşaqlı qadınlar və azyaşlılar var. Gürcüstan tərəfinin sərhədi nə zaman açacağı məlum deyil.

Qeyd edək ki, ötən gün Gürcüstan-Azərbaycan sərhədinin birtərəfli qaydada açılacağı barədə məlumatlar yayılıb. Gürcüstan vətəndaşlarının yaxın günlərdə Azərbaycandan ölkə ərazisinə keçmələrinə icazə veriləcəyi bildirilib.

1 -dən səhifə 5