Gömrük sahəsində akademik və təlimlər üzrə yeni əməkdaşlıq imkanları müzakirə edilib
Dövlət Gömrük Komitəsinin Akademiyasının təşəbbüsü ilə Türkiyənin Azərbaycandakı səfirliyi və Gömrük Akademiyası arasında iki ölkənin gömrük sahəsində akademik və təlimlər üzrə yeni əməkdaşlıq imkanları videokonfrans formatında müzakirə edilib.
Azərbaycanda koronavirus xəstələrinin bir günlük mualicəsi 80-150 manat arasında dəyişir
"Azərbaycanda koronavirusdan müalicə olunan bir xəstəyə gündəlik xərclənən vəsait təxminən 80-150 manat arasında dəyişir. Virusu yüngül keçirən xəstəyə 80, ən ağır xəstəyə 150 manat düşür".
pressinfo.az Fins.az-a istinadan xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Nazirlər Kabineti yanında Operativ Qərargahın brifinqində çıxışı zamanı deyib.
O bildirib ki, bu, dəyişən rəqəmdir:
"Çünki qeyd olunan rəqəm marta aid rəqəmdir. Bu xərclərə xəstənin yeməyi, onun üçün istifadə olunan dərman, geyim, maska və həkimlərə verilən əməkhaqqı, əlavələr və onların istifadə etdiyi xüsusi qoruyucu vasitələrə sərf olunur".
Əlavə Dəyər Vergisi-ni (ƏDV) geri qaytarılması üçün portal yaradılıb
Bu Xəbər Vergilər Nazirliyinin saytında dərc olunub.
Bu sahədə görülən işlər çərçivəsində texniki və hüquqi məsələlərin həlli tamamlanmaq üzrədir. Artıq müvafiq dövlət qurumları ilə razılaşdırılmaqla ƏDV-nin müəyyən hissəsinin qaytarılması ilə bağlı prosesə cəlb ediləcək müvəkkil bank müəyyən edilib - bu, “Kapital Bank”dır. Həmçinin, alınmış mallara görə ödənilmiş ƏDV-nin qaytarılması üçün istehlakçıların müraciətlərinin qeydiyyata alındığı informasiya sistemi olan xüsusi portalın (www.edvgerial.az) hazırlanması ilə bağlı işlər başa çatdırılıb və ƏDV-nin müəyyən hissəsinin qaytarılma mexanizmi müəyyən edilib.
Qaydalara əsasən, ƏDV-nin müəyyən hissəsinin qaytarılması zamanı 3 məqama diqqət yetirilməlidir. İlk növbədə, istehlakçı, yəni alış-veriş edən və ya xidmətdən yararlanan tərəf fiziki şəxs olmalıdır. İkincisi, satıcı və ya xidmət göstərən tərəf mütləq ƏDV ödəyicisi olmalıdır. Digər məqam isə satıcının yeni nəsil kassa aparatlarından istifadə etməsidir. ƏDV-in bir hissəsinin qaytarılması yalnız yeni nəsil kassa aparatlarının tətbiq edildiyi obyektlərdə mümkündür.
ƏDV-nin bir hissəsini geri almaq üçün vətəndaş nə etməlidir?
ƏDV-nin bir hissəsini geri almaq üçün vətəndaşlar şəxsiyyət vəsiqəsinin fərdi identifikasiya nömrəsi (FİN), doğum tarixi və mobil telefon nömrəsi vasitəsilə www.edvgerial.az portalında qeydiyyatdan keçməlidirlər. Bu zaman portalda həmin şəxs üçün elektron kabinet və burada virtual “pul qabı” yaradılır.
İstehlakçı alınmış malların dəyərini nağd və ya nağdsız qaydada ödəyə bilər. Nağd ödəmələr zamanı satıcı istehlakçıya onlayn nəzarət-kassa aparatının çekini təqdim etməlidir. Malların dəyəri nağdsız qaydada ödənildikdə və POS-terminal nəzarət-kassa aparatı ilə inteqrasiya olunmadıqda, istehlakçıya POS-terminaldan çıxarış da verilməlidir.
İstehlakçı nəzarət-kassa aparatının çekini aldığı tarixdən 90 gün ərzində www.edvgerial.az portalına müraciət etməli və çek barədə məlumatları, yəni NKA çekinin 12 simvollu fiskal İD-sini elektron kabineti vasitəsilə sistemə daxil etməlidir. Həmçinin BirBank tətbiqinə malik olan və onu müvafiq qaydada yükləyən bütün istifadəçilər bu tətbiq vasitəsilə də çekin üzərində olan QR kodu (çekin sonunda yerləşdirilən sürətli məlumat kodu) oxudaraq ƏDV-ni daha rahatlıqla geri qaytara bilərlər. BirBank tətbiqi portalda qeydiyyata alınmış telefon nömrəsinə yüklənməlidir. Bu zaman ƏDV-nin geri qaytarılması ilə bağlı sorğu elektron kabinetdə avtomatik əks olunacaq.
Geri ödənilən vəsaitlər nə zaman qaytarılacaq?
İstehlakçının sistemə daxil etdiyi nəzarət-kassa aparatı çeki barədə məlumatlar Dövlət Vergi Xidmətinin məlumat bazasındakı məlumatlarla uyğunluğu yoxlanılır. Nəzarət-kassa aparatı çekinin təsdiqləndiyi dərhal istehlakçının elektron kabinetində əks olunur. Çekin çap edildiyi tarixdən 30 gün sonra ƏDV məbləğinin nağdsız ödənişlər üzrə 15%-i, nağd ödənişlər üzrə 10%-i müvəkkil bank tərəfindən alıcının elektron kabinet açılarkən yaradılan virtual “pul qabı”na yerləşdirilir. İsitfadəçilər toplanmış vəsait ilə kommunal, mobil, internet, TV, cərimə və sığorta ödənişlərini həyata keçirə, həmçinin ölkədaxili bank kartlarına köçürmələr edə bilərlər. Layihənin maliyyə partnyoru olaraq Kapital Bank ƏDV-nin geri qaytarılması ilə bağlı əməliyyatlar üzrə komissiya tətbiq etmir. Geri qaytarılan vəsait tam şəkildə virtual “pul qabı”na mədaxil olunur (vəsait bank kartlarına köçürülərək nağdlaşdırıldığı zaman müvafiq bankın tarif cədvəlinə uyğun istisnalar tətbiq edilə bilər).
Qeyd edək ki, bu qaydalar supermarket və digər pərakəndə ticarət obyektləri, restoran və kafelərdən alınmış mallara, göstərilmiş xidmətlərə görə ödənilən ƏDV-nin bir hissəsinin qaytarılması üçün tətbiq edilir. Yanacaqdoldurma məntəqələrindən neft və qaz məhsullarının alışı zamanı ödənilən ƏDV geri qaytarılmır.
Gömrük xidməti əməkdaşları üçün növbəti təlim keçirilib
13-14 fevral tarixlərində gömrük xidməti əməkdaşları üçün yükdaşımaların təşkili işinin təkmilləşdirilməsi ilə bağlı, Dövlət Gömrük Komitəsinin sədri, gömrük xidməti general-polkovniki Səfər Mehdiyevin sərəncamı ilə təsdiq olunmuş "Nəqliyyat vasitələrinin və konteynerlərin gömrük möhürləri və plombları altında yüklərin daşınmasına buraxılması qaydalarına dair Metodika" əsasında təlim təşkil olunub. Azərbaycan nefti bahalaşıb
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin son qiyməti 63,23 dollar/barel təşkil edib ki, bu da ötən həftənin cümə axşamına olan göstəricidən 0,39 dollar/barel çoxdur.
Bu barədə Trend-ə ölkənin neft-qaz bazarındakı mənbə bildirib.
FOB bazisi üzrə Türkiyənin Ceyhan limanında Azərbaycanın yüngül neftinin son qiyməti 62,36 dollar/barel təşkil edib ki, bu da əvvəlki qiymətdən 0,38 dollar/barel çoxdur.
Novorossiysk limanından yüklənən URALS neftinin son qiyməti 59,63 dollar/barel təşkil edib ki, bu, əvvəlki qiymətdən 0,3 dollar/barel çoxdur.
Şimal dənizindən hasil edilən “Brent Dated” etalon növlü neftin son qiyməti 61,5 dollar/barel təşkil edib, bu da əvvəlki qiymətdən 0,38 dollar/barel çoxdur.
“Qara qızıl” bahalaşıb
Dünya bazarlarında “Brent” markalı neftin qiyməti üç faiz bahalaşıb.
Bakı vaxtı ilə saat 14:20-yə olan göstəricilərə görə Şimal dənizi neft qatışığının bir barelinin qiyməti 58,77 dollara qalxıb.
WTI markalı neftin fevral fyuçersləri (sövdələşmələri) üzrə qiyməti isə 2,81% qalxaraq, 49,31 dollar təşkil edib.
Bu ölkədə 1 dollara 11 milyon litr benzin düşür
Venesuelada benzinin qiyməti əvvəlki kimi heç bir dəyərə sahib deyil.
Bu barədə “RİA Novosti” agentliyinə Venesuelanın paytaxtı Karakasda yaşayan rusiyalılardan biri deyib. Onun sözlərinə görə, ölkədə ən kiçik dəyərə sahib olan qəpiklə 8 min litr benzin almaq mümkündür. O, 1 dollara Venesuelada 11 milyon litr benzinin satıldığını deyib:
“Faktiki olaraq ölkədə üç aydır, pulsuz benzin verilir. Benzinin 100 litri kofe fincanından da ucuzdur. Ona görə də ödəniş adətən 20-30 bolivar edir. Əgər pulun yoxdursa, sadəcə mədəni şəkildə nağd pulunun olmadığını deyirsən və sənə benzin verirlər. Venesuelada əvvəlki denominasiyaya rəğmən, yenə nağd pul çatışmazlığı hiss edilir. Yanacaqdoldurma məntəqələrində kartla ödəniş alınmır. Belə ki, onların çoxu terminallarla təchiz edilməyib. Bəzən ölkədə kiçik dəyərə sahib olan qəpiklər belə olmur ki, 100 litrlik benzinin dəyərini ödəyəsən”.
Venesuela Prezidenti Nikolas Maduro avqust ayında ölkəsində benzinin bazar qiymətlərinə uyğun satışının həyata keçiriləcəyini açıqlayıb. Maduronun açıqlamalarına rəğmən, ölkə bu sistemə hələ tam keçid etməyib.(axar.az)
Samir Şərifov: Azərbaycanın hava əlaqəsi olduğu şəhərlərin sayı 100-ə çatdırılacaq
Azərbaycanın hava əlaqəsi olduğu şəhərlərin sayı 100-ə çatdırılacaq.
Trend-in məlumatına görə, bunu noyabrın 15-də Parisdə keçirilən Beynəlxalq Sərgilər Bürosunun 162-ci Assambleyasında “Bakı Expo 2025”in təqdimatı zamanı Azərbaycanın maliyyə naziri, “Bakı Expo 2025” Ümumdünya Sərgisinin işçi qrupunun rəhbəri Samir Şərifov deyib.
Azərbaycana 1 kq Yeni Zellandiya yağı 5 manat 34 qəpiyə ixdal olunur: Ekspert monopoliyanı ifşa etdi
2016-ci ldə kərə yağı və digər məhsulların idxal əməliyyatları üzrə 31,8 milyon dollarlıq mal qeydiyyata almayıb.
Rəsmi məlumatlara görə, ölkəyə 1 kq Yeni Zellandiya yağı 5 manat 34 qəpiyə ixdal olunur.
Ətraflı
Azərbaycanda valyuta bazarının ümumi həcmi azalıb
2017-ci ilin 9 ayı ərzində valyuta bazarının ümumi həcmi ötən ilin müvafiq dövrü ilə müqayisədə əhəmiyyətli azalıb.
"Ölkə.Az" Azərbaycan Mərkəzi Bankının (AMB) 2017-ci ilin yanvar-sentyabr ayları üzrə pul siyasəti icmalına istinadən xəbər verir ki, hesabat dövründə ötən ilin 9 ayı ilə müqayisədə ABŞ dolları ilə valyuta əməliyyatlarının həcmi 20.4%, avro ilə əməliyyatların həcmi isə 7% azalıb. Dövr ərzində valyuta bazarında əməliyyatların 83%-i ABŞ dollarında, 17 %-i digər valyutalarda aparılıb.