MƏDƏNİYYƏT

məkdar artist Aybəniz Haşımova bloqqer qızı Aynişan Quliyevanın erməni musiqiçi Narek Makaryanla yayılan fotolarına münasibət bildirib.

Pressinfo.az Axşam.az a-istinadan  xəbər verir ki, müğənni həmin paylaşımların ona qarşı təxribat olduğunu bildirib. Haşımova qeyd edib ki, şəkil xaricdə festivallardan birində lentə alınıb və erməni müğənni qəfildən qəfildən kadra özünü salıb: "Qızımla bağlı çox tez-tez sosial şəbəkələrdə paylaşılan məlum fotoları özümə qarşı 10 ilə yaxındır aparılan təxribatın davamı hesab edirəm. Hər dəfə həqiqəti deyəndə, dövlətimizin və xalqımızın maraqlarını qorumaq üçün çıxış edəndə, müəyyən qruplar qədirbilən xalqımızın səmimi vətənpərvərlik hisslərindən istifadə etməyə çalışaraq, qızımla bağlı olan fotoları paylaşır. Məqsəd məni susdurmaq, həqiqətləri deməkdən çəkindirməkdir. Bu 10 ildir davam edir. Lakin XX əsrin əvvəllərində doğma dədələri ermənilər tərəfindən soyqrıma məruz qalmış, daha sonra həyat yoldaşı Vətən uğrunda şəhid olan Aybəniz Haşımova susa bilməz. Aybəniz Haşımova bacardığı hər formada erməniləri ifşa etməyə çalışır. Dünyanın müxtəlif ölkələrində öz imkanları hesabına Xocalı soyqırımını tanıtma tədbirlərinə, erməniləri ifşa aksiyalarına qatılır. Çıxış edir, musiqinin dili ilə erməni vəhşiliklərini, Qarabağda yaşanan dəhşətləri anlatmağa çalışır. Bildirmək istəyirəm ki, bu foto xarici ölkələrdən birində beynəlxalq festival çərçivəsində çəkilib. Bir an foto çəkdirmək lazım gəldiyində Ermənistanda doğulmayan, atası rus, anası erməni olan iştirakçı qəfil formada qızım Aynişanın yanında dayanıb və foto paylaşılıb. Əlbəttə, bütün hallarda mənfur düşmənimizi təmsil edən şəxslə eyni fotoda olmaq qətiyyən xoş deyil. Üstəlik də, atası Azərbaycanın ərazi bütövlüyünü qorumaq üçün şəhid olan bir qız-Aynişan və mənim üçün. Ancaq biz həmin an üçüncü ölkənin ərazisində beynəlxalq festivalda olmuşuq. Həmin an hər hansı başqa hərəkət bizim beynəlxalq imicimizi zədələmək üçün mənfur düşmənlərimizin əlinə səbəb verə bilərdi. Biz o festivalda dəfələrlə Azərbaycan bayraqları ilə səhnədə çıxış edib, Vətənimizi tərənnüm etmişik. Təəssüf ki, bundan danışan çox azdır... Bildirmək istəyirəm ki, məlum festivalda Azərbaycan səfirliyi və diasporunun nümayəndələri iştirak edib. Baş verənlər onların gözləri qarşısında olub. Bu fotolar illərdir tirajlanır, hesab edirəm ki, lazımi dövlət qurumları da təbii olaraq, araşdırıb. Bu məni narahat etmir. Azərbaycan xalqı və dövləti məni yaxşı tanıyır. Həyat yoldaşı, qızının atası bu torpaqlar uğrunda şəhid olan bir ailəyə qarşı belə ittihamlar irəli sürmək insanlıq deyil"

Koronavirusa yoluxmuş Əməkdar artist Bəhram Bağırzadə həkimlərə təşəkkür edib:
- Mən həmişə tibbə dərin hörmət bəsləmişəm, çünki həkim biliyə, fədakarlığa və həyatımızın ən çətin anlarında ağrılarımızın bir hissəsini bölüşmək və öz üzərinə götürmək və xəstəliklərimizə şəfa vermək üçün böyük istəyə malik olan insan ruhunun inkişafının ən yüksək səviyyəsidir. Qarşınızda baş əyirəm, qiymətsiz Azərbaycan Qəhrəmanları

qafqazinfo.az

“CinemaPlus” kinoteatrlar şəbəkəsində rəhbərliyində yeni təyinat olub.

Pressinfo.az Fins.az a-istinadan xəbər verir ki, “CinemaPlus” Məhdud Məsuliyyətli Cəmiyyətinin təsisçilərinin ümumi yığıncağının qərarı əsasında Zaur Darabazadə Cəmiyyətin Müşahidə Şurasının sədri seçilib.

 Məlumat üçün bildirək ki, 2015-ci ildə Zaur Darabzadə Azərbaycanda regionun ilk müasir texnologiyalarla təchiz edilmiş “CinemaPlus” kinoteatrlar şəbəkəsinin baş direktoru vəzifəsinə təyin olunub.

2018-ci ildən “CinemaPlus” kinoteatrlar şəbəkəsinin Müşahidə Şurasının üzvü və Biznesin inkişafı departamentinin direktoru idi.

 

Xalq artisti Aygün Kazımova hərbi geyimdə kamera qarşısına keçib.

Pressinfo.az Teleqraf.com a-istinadan  xəbər verir ki, o, fotolarını İnstaqramda bu qeydlə paylaşıb:

"Görürsənmi, dalğalanan ay-ulduzlu bayrağı? Duyursanmı, vətənimin polad ruhlu ərlərinin səsini? Yağı düşmən, səninləyəm! Aslanıyla, erkəyi ilə bir bütövəm, Bu bütövlük qarşısında mütləq ki, sən diz çökəcəksən".

Sözügedən fotoları təqdim edirik:

 

 

Pressinfo.az Sherg.az a-istinadan xəbər verir

İyulun on ikisindən Tovuz rayonu istiqamətində Ermənistanın təxribata əl atması nəticəsində   başlayan döyüşlər   fasilələrlə davam edir.  Əfsuslar olsun ki, bu haqlı və şərəfli savaşda itkilərimiz də var.  Hər günümüzü şəhid xəbərləri ilə açır, onların acısı ilə zəfərə doğru addımlayırıq.  Torpağa tapşırdığımız  igidlər, atasız qalan uşaqlar ,  övladını vətənə qurban verən qeyrətli analar üçün gücümüzü toplayıb, mənfur düşmənlə mübarizə aparan ordumuzun yanında dayanırıq. Şanlı bayrağımızı, Şuşada, Xocalıda, Qarabağın hər qarışında yüksəltməyə az qalıb. 
Məhəmməd Əmin Rəsulzadənin də dediyi kimi:
 
 “Şübhəsiz bir gün həqiqət parlayacaq!” 
 
 “Sherg.az”da söz cəbhəsində vuruşaraq, xalqı  rəsmi, təsdiqlənmiş xəbərlərlə məlumatlandırır. Bütün bunlarla yanaşı ziyalıların, sevilən sənətkarların tövsiyyələrini, düşüncələrini oxucularına çatdırır.
 
Bu dəfə tanınmış müğənni, əməkdar artist Baloğlan Əşrəfovla əlaqə saxlayaraq, münasibət öyrəndik. B.Əşrəfov  ilk dəfə atışma  xəbərini eşidəndə keçirdiyi hisslərdən danışıb:
 
“Həyəcanlı şəkildə, özümü idarə edə bilməyib, fikirlərimi dedim.  Onu da  oğlum telefonla çəkib sosial şəbəkələrdə paylaşıb. Həmin  videonun baxış sayı altmış minə çatıb. Hamı  nələr yaşadığımı görüb. Mən də   Azərbaycan xalqının bir nümayəndəsiyəm,   azərbaycanlı  balasıyam.  Döyüşlərdə  həmvətənlərim şəhid düşür.
 
Təssəvvür edin onlar əzizlərim, yaxınlarım ola bilərdi. Ermənilərə lənət olsun, əsəb keçirdirəm. Əgər gülən olmasa avtomat götürüb sərhədə gedərəm. Qoy öldürsünlər, heç olmasa əlimdən bir şey gələr. Generalımız, mayorumuz , gənc əsgərlərimiz şəhid olub. Hansı ki, onlar Azərbaycanın gələcəyi idi. Belə vəziyyətdə biz neyniyə bilərik?  Ancaq yas tutarıq.  Bir şərtlə ki, millətimizi həmişə ruhlandıraq. Bu dığaları məhv etmək üçün ordumuza ürək-dirək vermək lazımdır. “
 
Sevilən sənətkar prezidentin tapşırıqlarına, çağırışlarına mütəmadi olaraq  qulaq asdığını da qeyd edib:
 
“Dövlətin  başında dayanan, ölkəni idarə edən insandır. Onun çıxışına baxdım.  Fərəhləndim ki, dövlətimiz  aciz deyil, ermənin üzərində qələbə qazana bilər. Ona görə Vətənimə xidmət etməyə hazıram. Prezidentimizin, dövlət nümayəndələrinin fikirlərinə  şərikəm.  Lakin hər işi ağılla görmək lazımdır. Bizim  içərimizdə elə nanəciblər var ki, min dənə oyundan çıxırlar.
Onlara deyirəm ki, insafa gəlsinlər. Azərbaycan torpağını qorumaq lazımdır. 
Vətən uğrunda canlarından keçən şəhidlərimizin qarşısında baş əyirəm. Mən də özümü  onların yanında hiss edirəm. Bütün şəhid  ailələrinə  baş sağlığı verirəm.

Türkiyənin "Fox TV" telekanalında yayımlanan "Sen çal kapımı" serialının ötən gün efirə gedən bölümü Azərbaycanda tənqid edilib.

Pressinfo.az Unikal.org a-istinadan  xəbər verir ki, ekran işində baş rol olan Serkan Bolatı canlandıran aktyor Kerem Bursin sevgilisi kimi təqdim etdiyi Eda Yıldıza (Hande Erçel) üzük alır. O, üzüyü tərifləyərkən "Məni xatırladacaq bir şey olmalıydı. Çox məşhur erməni usta ilə bir araya gəlib Edanın sevəcəyi formada üzük düzəltdik" -  deyə ifadələrini işlədib.

Belə ki, aktyorun erməni haqda danışması sosial şəbəkələrdə paylaşılaraq tənqid edilib.

Qeyd edək ki, serialın rejissoru Ender Mıhlar, ssenari müəllifi isə Ayşe Üner Kutludur.

1 -dən səhifə 3