SİYASƏT
Çərşənbə axşamı, 05 Fevral 2019 18:47

Mourinyo buz üstünə çıxdı və… – VİDEO

Məşhur portuqaliyalı məşqçi Joze Mourinyonun Rusiya səfəri kuryoz hadisə ilə əlamətdar olub. Matc.az xəbər verir ki, pireneyli çalışdırıcı Qitə Hokkey Liqasının (KXL) “Avanqard” – OİK görüşünün fəxri qonağı olub.

O, Moskva vilayətinin Balaşixa şəhərində keçirilən görüşdən öncə Rusiya paytaxtını gəzib, matçın baş tutacağı arena və “Avanqard” komandası ilə tanış olub. Məşqçilər, hokkeyçilər, klub rəhbərliyi ilə görüşən Mourinyo avtoqraf vermək, şəkil çəkdirmək və müsahibədə heç kimə imtina etməyib.

Günün əsas hadisəsi olan qarşılaşma şaybanı məhz Mourinyonun atması ilə başlayıb. Qırmızı xalçadan döşənən yolla meydanın mərkəzinə gedən mütəxəssis şaybanı atıb və birdən-birə sürüşərək yıxılıb.

Tanınmış rusiyalı hokkeyçi Pavel Datsyuk cəld tərpənərək əlini yıxılan məşqçiyə uzadıb. Baş verənlər tribunaların qəhqəhə çəkərək gülməsinə səbəb olub.

Çünki Mourinyonu belə görən olmamışdı. O, yəqin bir daha hokkeyə getməz.

Portuqaliyalı kimi Rusiya Futbol İttifaqının prezidenti postuna namizəd Aleksandr Dyukov, Rusiya futbol millisinin baş məşqçisi Stanislav Çerçesov və digər tanınmış simalar da fəxri qonaqlar sırasında yer alıb.

KXL Mourinyonun yıxılması ilə bağlı epizodu sosial şəbəkələrdəki rəsmi səhifələrindən silib. Görüntülərdə yalnız onun şaybanı atması yer alıb.

 

 

 

“Bərdə rayonunda yolun kənarından tapılan körpə bacı-qardaşla bağlı iş icraata götürülüb”.

Bunu “Report”a açıqlamasında Ailə, Qadın və Uşaq Problemləri üzrə Dövlət Komitəsinin İnformasiya və Analitik araşdırmalar şöbəsinin müdiri Elgün Səfərov deyib.

Onun sözlərinə görə, məsələnin araşdırılması yerli monitorinq komissiyasına tapşırılıb: “Hazırda komissiya məsələni araşdırır və valideynlərinin müəyyənləşdirilməsi istiqamətində iş aparır”.

Qeyd edək ki, fevralın 3-də Bərdə rayonunda yolun kənarından körpə bacı-qardaş tapılıb. Küçəyə atılan oğlan uşağının 8 aylıq, qız uşağının isə 1,6 yaşında olduğu ehtimal edilir. Bu gün səhər saatlarında körpələrin anası tapılıb.

Bərdə rayonunda küçədən tapılan iki az yaşlı uşağın anası tapılıb.

“Report”un Qarabağ bürosunun verdiyi məlumata görə, hadisədən sonra Bərdə Rayon Polis Şöbəsinin əməkdaşları bu istiqamətdə əməliyyat axtarış tədbirlərinə başlayıb.

Məlum olub ki, uşaqların anası Qazax rayonunun Kəmərli kənd sakini Yeganə Nemət qızı Osmanovadır.

Bərdə rayonunda işləyən Y.Osmanova “Report”un yerli bürosuna uşaqları maddi çətinlikdən saxlaya bilmədiyini və belə bir işi gördüyünü deyib: “Bir müddət kafedə və çay evlərində işlədim. Kirayə ev tapmışdım, günə 2 manat pul verirdim. Sonra işdən çıxdım və kirayə pulu da verə bilmədim. Bildim ki, ev yiyəsi bizi çıxaracaq ona görə özüm gecə evdən çıxaraq qaçdım, uşaqları isə evdə saxladım. Sonra ev yiyəsi mənim gəlmədiyimi görüb uşaqlarımı bizi o aparan evə iş yoldaşıma verib”.

Faktla bağlı araşdıma aparılır.

 

 

 

 

Azərbaycanda biruşaqlı ailələrdə boşanma halları təxminən 71 faiz, iki və daha çox uşağı olan ailələrdə boşanma halları 38 faiz artıb.

1990-cı ildə ölkədə 14 040 boşanma halı qeydə alındığı halda, 1995-ci ildə bu rəqəm 2 dəfədən çox azalaraq 5 669-a enib. 2017-ci ildə isə boşananların sayı yenidən 14 514-ə çatıb ki, bu da 1990-2017-ci illər ərzində qeydə alınan ən yüksək göstəricidir. 2018-ci ilin yalnız yanvar-oktyabr aylarında (2018-ci il üzrə yekun hesabat açıqlanmayıb) qeydə alınmış boşanma hallarının sayı 12 396 təşkil edib.

Ümumilikdə boşananlar arasında uşaqsız ailələr çoxluq təşkil edir. Lakin göstəricilərdən aydın olur ki, ötən illərdə uşağı olmayan ailələrdə boşanma halları nisbətən azalsa da, uşaqlı ailələr arasında boşanmaların sayı çoxalıb.

1990-cı illə müqayisədə 2017-ci ildə, yəni 27 il ərzində (2018-ci il istisna olmaqla) bir uşağı olan ailələrdə boşanma halları 70,95 faiz, 2 və daha çox uşağı olan ailələrdə boşanma halları 38,25 faiz artıb.

1990-cı ildə boşananların 8 853 nəfəri uşağı olmayan, 2 045-i bir uşağı olan, 3 142-i iki və daha çox uşağı olanlar olduğu halda, 2017-ci ildə boşananların 6 444 nəfəri uşağı olmayan, 3 946 nəfəri bir uşağı olan, 4 124 nəfəri iki və daha çox uşağı olan şəxslər olub.

Uşağı olmayan ailələr arasında ən çox boşanma halı 1990-cı ildə, uşaqlı ailələr arasında ən yüksək boşanma göstəricisi isə 2017-ci ildə qeydə alınıb.

2017-ci illdə boşanma nəticəsində valideynlərin biri ilə qalmış uşaqların sayı 13 110 olub ki, bu da hər 100 boşanmaya 162 uşağın düşməsi deməkdir.

Ümumilikdə götürdükdə, boşanmalar daha çox şəhər yerlərinin payına düşsə də, kənd yerlərində əhalinin hər 1000 nəfərinə düşən boşanmaların sayı artıb, şəhər yerlərində isə əksinə, azalıb.

1990-cı ildə şəhər yerlərində əhalinin hər 1000 nəfərinə düşən boşanmaların sayı 3,5 olduğu halda, 2017-ci ildə bu göstərici 1,9-a enib. Kənd yerlərində isə 1990-cı ildə 0,2 olan boşanma göstəricisi 2017-ci ildə 1-ə çatıb.

2017-ci ildə boşanma halları ən çox 30-34 (3 568) 30-34 yaşlı kişilər, 25-29 yaşlı qadınlar (3 803) arasında baş verib.

Qeyd edək ki, Ədliyyə Nazirliyinin Vətəndaşlıq vəziyyəti aktlarının reyestri xidmətinin rəisi Reyhanə Kərimova Trend-ə Azərbaycanda ailələrin ən çox xarakter uyğunsuzluğu, sonsuzluq və kənar müdaxilələr səbəbindən dağıldığını söyləyib.

 
 
Şənbə, 02 Fevral 2019 08:57

Azərbaycanda Gənclər Günü qeyd olunur

Bu gün Azərbaycanda Gənclər Günü qeyd olunur.Trend-in məlumata görə, 2 fevral tarixinin Gənclər Günü kimi elan olunması ulu öndər Heydər Əliyevin adı ilə bağlıdır. Məhz ulu öndərin hakimiyyətə ikinci dəfə gəlişindən sonra Azərbaycanda dövlət gənclər siyasətinin əsas qoyuldu.1994-cü ildə dövlət gənclər siyasətini icra edən Gənclər və İdman Nazirliyi yaradıldı.

Ümummilli liderin rəhbərliyi dövründə ölkə gəncləri onun diqqət və qayğısını daim öz üzrlərində hiss etmişlər. 1996-cı ilin 2 fevral tarixində məhz ulu öndər Heydər Əliyevin dəstəyi ilə gənclərin 1-ci forumu keçirilidi. 1997-ci ildən isə Prezident sərəncamı ilə 2 fevral Azərbaycanda Gənclər Günü kimi qeyd olunmağa başlandı.

Əsası ulu öndər tərəfindən tərəfindən qoyulan dövlət gənclər siyasətinin nəticəsidir ki, bu gün ölkəmizdə idarəetmə bacarığı ilə seçilən intellektual, dünyagörüşlü yeni nəsil yetişib. Müasir Azərbaycan gəncliyi ümummilli lider Heydər Əliyevin xalqımız qarşısındakı xidmətlərini yüksək qiymətləndirir, onun bizə bəxş etdiyi Azərbaycanın müstəqilliyini, elmin, təhsilin inkişafını, ölkəmizin siyasi, iqtisadi yüksəlişini, gənclərə olan diqqəti və qayğısını dərin ehtiram hissi ilə xatırlayır.

Ulu öndər Heydər Əliyev tərəfindən müəyyənləşdirilmiş siyasi kurs bu gün ölkə Prezidenti İlham Əliyev tərəfindən uğurla davam etdirilir. Prezident İlham Əliyevin rəhbərliyi ilə həyata keçirilən dövlət gənclər siyasəti Azərbaycan gəncliyinin inkişafına təkan verib, onların özlərini cəmiyyətdə təsdiq etməsində mühüm rol oynayıb. Bu siyasət nəticəsində gənclərimiz dövlətçiliyə bağlı, intellektual, yüksək dünyagörüşlü bir qüvvə kimi formalaşıblar.

Prezident İlham Əliyev 2005-ci il avqustun 30-da “Azərbaycan Gəncliyi Dövlət Proqramının (2005-2009-cu illər) təsdiq edilməsi haqqında” sərəncam imzaladı. Proqram çərçivəsində görülən işlər gənclərin potensialından ölkənin mənafeyi naminə tam və düzgün istifadə olunması, onların faydalı məşğulluğunun təmin edilməsi, dövlət idarəçiliyi sistemində iştirakının gerçəkləşdirilməsi yönündə ciddi irəliləyişə gətirib çıxardı. Prezident İlham Əliyevin bu sahəyə olan diqqəti özünü ayrıca bir ilin (2007-ci il) “Gənclər ili” elan edilməsində də göstərdi. 2007-ci ildə Prezident İlham Əliyev “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nın təsdiq edilməsi barədə sərəncam imzaladı. Bundan başqa, 2011-ci ilin 6 aprel tarixində Prezident İlham Əliyev “Azərbaycan gəncliyi 2011-2015-ci illərdə” Dövlət Proqramı haqqında sərəncam imzaladı. Proqramın əsas məqsədi ölkəmizdə gənclər siyasətini daha da inkişaf etdirmək, gənclərin menecment sahəsində fəal iştirakına şərait yaratmaq, gənc mütəxəssislərin işlə təminatı və digər sosial-iqtisadi problemlərinin həllini təmin etmək oldu.

Gənclərin hərtərəfli inkişafını, cəmiyyətin həyatında fəal iştirakını bir qədər də stimullaşdırmaq məqsədilə dövlət başçısı 19 dekabr 2011-ci il tarixində Azərbaycan Respublikasının Prezidenti yanında Gənclər Fondunun yaradılması barədə sərəncam verdi. Fondun qarşısında gənclər siyasəti ilə bağlı elm, təhsil, mədəniyyət və digər sosial sahələrə yönəlmiş ictimai və sosial əhəmiyyətli, o cümlədən beynəlxalq səviyyədə həyata keçirilən layihə və proqramları qrant şəklində maliyyələşdirmək məqsədi qoyuldu. Prezident İlham Əliyevin gənclərə dəstək yönündə verdiyi mühüm və əlamətdar qərarlardan biri də ölkədə ilk dəfə “Gənclər üçün Prezident Mükafatı”nın təsis edilməsi oldu.

Bu gün qətiyyətlə deyə bilərik ki, ölkə gəncləri Prezident İlham Əliyevin uğurla apardığı daxili və xarici kursu alqışlayr, bu siyasətin icrasında daim onun yanındadır.

Əziz gənclər, bayramınız mübarək!

Şənbə, 02 Fevral 2019 08:55

Kubokda “El-Klassiko”

İspaniya kubokunda yarımfinal mərhələsinin püşkü atılıb.

“El-Klassiko” elə yarımfinalda olacaq.  Belə ki, “Barselona” ilk oyunda “Real”ı qəbul edəcək. İkinci yarımfinal görüşündə isə “Valensiya” “Betis”in qonağı olacaq.

Qeyd edək ki, kubokda ilk qarşılaşmalar fevralın 6-ı, cavab matçları isə fevralın 27-i keçiriləcək.

«AzPolitika.info»-nun xarici KİV-ə istinadla verdiyi xəbərə görə, Venesuelanın paytaxtından uçan «Nordwind Airlines» şirkətinə məxsus Boeinq 777 təyyarəsi Moskvanın «Vnukovo» aeroportuna eniş edib. Bu təyyarə yanvarın 28-də Moskvadan Karakasa uçmuşdu – sərnişinsiz.

«FlightRadar24» saytının məlumatına görə, «VP-BJG» nomrəsi ilə qeydiyyata alınmış və Karakasdan uçan təyyarə «Vnukovo» limanına Moskva vaxtı ilə saat 11.21-də enib. Bu zaman onun Venesueladan hansı yükü gətirdiyi rəsmən məlum deyil.

«Novaya qazeta» xəbər verir ki, 500 nəfər sərnişinin yerləşə biləcəyi laynerin göyərtəsində sərnişin olmayıb. Bu zanman nəşr Venesuela Mərkəzi Bankının ölkədən 20 ton qızılı çıxartmaq niyyətinə diqqət yönəldir. Venesuelanın maliyyə naziri isə qızılla bağlı planı müzakirə etməkdən rəsmən imtina edib.

Rusiya XİN-də də qeyri-rəsmi reyslə uçan təyyarə barədə məlumatarı şərh etməkdən yayınıblar. «Novaya qazeta» ehtimal edir ki, təyyarə Venesuelaya məxsus qızılı Rusiyadan çıxardıb. Bu qızıl əvvəlcə Birləşmih Ərəb Əmirliklərində valyutaya dəyişdirilərək, Moskvaya sonra isə Karakasa çatdırılırmış.

Bunu hələ 14 əsr öncə Peyğəmbərimiz Məhəmməd əleyhissəlam tövsiyə edib -ingilis alimlərə indi çatır…

İngiltərədənin Ekseter Universitetinin tədqiqatçıları özlərini  gecə tez yatıb səhər erkən  oyanmağa öyrətmiş insanlarda depressiyanın ağır formalarının yaranması və immunitetin zəifləməsi ehtimalının daha az olduğunu  təsbit edib.

Moderator.az-ın Rusiya mediasına istinadla verdiyi xəbərdə belə deyilir.

Elm adamları məcazi mənada “torağay quşları” adlandırılan tez yatıb tez oyanmağı sevən  insanlarda  erkən oyanmağa  məsul olan 351 genetik cüt aşkar edib. Ancaq mütəxəssislər deyir ki, bədəni tez yatıb  erkən oyanmağa  özünüz də vərdiş etdirə bilərsiniz…

İngilis alimləri müəyyən edib ki,  “torağay” -insanlar gecə yarısından sonra yatmağı sevənlərə(“bayquşlar”) nisbətən şizofreniya xəstəliyinə 11% daha az tutulur və immunitetin zəifləməsi ilə bağlı problemlərdən 3 dəfə daha az  əziyyət çəkirlər.

Qeyd edilir ki,  gecə saat 2-3-dək oturmağı sevənlərdə   ciddi problemlər yarana bilər: stress və adi gündəlik işlərlə bağlı sirkad ritmlərin pozulması nəticəsində  2-ci növ diabet və ürək xəstəliyinin yaranması riski çoxdur…

Xatırladaq ki,  2018-ci ilin noyabrında  Britaniyanın Bristol Universitetinin alimlərinin səhər tezdən qalxan və gecə tez yatan qadınların döş xərçənginə yoluxmaq riskinin  “bayquş” qadınlarla müqayisədə 40-48 faiz aşağı olmasını müəyyən etmələri haqda xəbərlər yayılmışdı.

P.S. Gecə tez yatıb səhər erkən oyanmağı hələ 14 əsr öncə Peyğəmbərimiz Məhəmməd əleyhissəlam tövsiyə edib. Müsəlmanları bəyənməyən ingilis alimlərinə bu, hələ indi çatır…

Sultan Laçın

Cümə, 01 Fevral 2019 10:23

“Beşiktaş”dan GURULTULU TRANSFER

Almaniyanın Dortmund “Borussiya”sının yarımmüdafiəçisi Sindzi Kaqava karyerasını “Beşiktaş”da (Türkiyə) davam etdirəcək.

Bu barədə Türkiyə klubunun rəsmi saytı məlumat yayıb.

Bildirilir ki, 29 yaşlı yaponiyalı futbolçu İstanbul klubu ilə mövsümün sonuna qədər icarə sazişi bağlayı

Bu gün Milli Məclisin yaz sessiyasının ilk iclası keçiriləcək.  məlumata görə, iclasda 38 məsələ müzakirəyə çıxarılacaq. Bunlar aşağıdakılardır:

1. Azərbaycan Respublikası Milli Məclisi İntizam komissiyasının yenidən təşkil edilməsi haqqında.  

2. Azərbaycan Respublikası Milli Məclisi Hesablayıcı komissiyasının yenidən təşkil edilməsi haqqında.  

3. Azərbaycan Respublikası Milli Məclisinin 2019-cu il yaz sessiyasının qanunvericilik işləri planı haqqında.  

4. Azərbaycan Respublikası Milli Məclisi komitələrinin sədr müavinlərinin seçilməsi haqqında.  

5. “Türk Mədəniyyəti və İrsi Fondunun maliyyə qaydaları haqqında” Sazişin təsdiq edilməsi barədə Azərbaycan Respublikası qanununun layihəsi haqqında.  

6. “Azərbaycan Respublikası Hökuməti ilə Türk Mədəniyyəti və İrsi Fondu arasında yerləşmə ölkəsi haqqında” Sazişin təsdiq edilməsi barədə Azərbaycan Respublikası qanununun layihəsi haqqında.  

7. “Türk Akademiyasının maliyyə qaydaları haqqında” Sazişin təsdiq edilməsi barədə Azərbaycan Respublikası qanununun layihəsi haqqında.  

8. “Azərbaycan Respublikasının “Sərhəddə fərqlənməyə görə” medalının Əsasnaməsinin və təsvirinin təsdiq edilməsi haqqında”, “Azərbaycan Respublikası Silahlı Qüvvələri Qarnizon və qarovul xidmətləri nizamnaməsinin təsdiq edilməsi haqqında”, “Əhalinin sağlamlığının qorunması haqqında”, “Hərbi xidmətkeçmə haqqında” Əsasnamənin təsdiq edilməsi barədə”, “Dövlət əmlakının özəlləşdirilməsi haqqında”, “Azərbaycan Respublikasında dövlət dili haqqında” Azərbaycan Respublikasının qanunlarında və Azərbaycan Respublikasının Seçki Məcəlləsində dəyişiklik edilməsi barədə Azərbaycan Respublikası qanununun layihəsi haqqında.  

9. Azərbaycan Respublikasının 1994-cü il 23 sentyabr tarixli 886 nömrəli Qanunu ilə təsdiq edilmiş “Azərbaycan Respublikası Silahlı Qüvvələrinin Qarnizon və qarovul xidmətləri nizamnaməsi”ndə dəyişiklik edilməsi haqqında Azərbaycan Respublikası qanununun layihəsi barədə.  

10. “Büdcə sistemi haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2018-ci il 30 noyabr tarixli 1358-VQD nömrəli Qanununda dəyişiklik edilməsi haqqında Azərbaycan Respublikası qanununun layihəsi barədə.  

11. “Dövlət borcu haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2018-ci il 30 noyabr tarixli 1359-VQD nömrəli Qanununda dəyişiklik edilməsi haqqında Azərbaycan Respublikası qanununun layihəsi barədə.  

12. Azərbaycan Respublikasının Mənzil Məcəlləsində dəyişiklik edilməsi haqqında Azərbaycan Respublikası qanununun layihəsi barədə.  

13. “Azərbaycan Respublikasının orden və medallarının təsis edilməsi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında.  

14. “İnzibati icraat haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında.  

15. “15 yaşı tamam olmamış Azərbaycan Respublikası vətəndaşının fərdi identifikasiya kartı haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında. 

16. “Azərbaycan Respublikasının vətəndaşlığı haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında.  

17. Azərbaycan Respublikasının Ailə Məcəlləsində dəyişiklik edilməsi haqqında Azərbaycan Respublikası qanununun layihəsi barədə.  

18. Azərbaycan Respublikasının Ailə Məcəlləsində dəyişiklik edilməsi haqqında Azərbaycan Respublikası qanununun layihəsi barədə.  

19. Azərbaycan Respublikasının Ticarət Gəmiçiliyi Məcəlləsində dəyişiklik edilməsi haqqında Azərbaycan Respublikası qanununun layihəsi barədə.  

20. “Hərbi vəzifə və hərbi xidmət haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında.  

21. Azərbaycan Respublikasının 2008-ci il 1 fevral tarixli 541-IIIQ nömrəli Qanunu ilə təsdiq edilmiş “Dənizçinin şəxsiyyət sənədi haqqında Əsasnamə”də dəyişiklik edilməsi barədə Azərbaycan Respublikası qanununun layihəsi haqqında.  

22. “Qiymətli kağızlar bazarı haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında.  

23. “Patent haqqında”, “Əmtəə nişanları və coğrafi göstəricilər haqqında” və “İxrac nəzarəti haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında.  

24. Azərbaycan Respublikasının İnzibati Xətalar Məcəlləsində və “Avtomobil nəqliyyatı haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında.  

25. Azərbaycan Respublikasının Şəhərsalma və Tikinti Məcəlləsində dəyişiklik edilməsi haqqında Azərbaycan Respublikası qanununun layihəsi barədə.  

26. Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş).  

27. “Reklam haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).  

28. “Kitabxana işi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).  

29. “Kütləvi informasiya vasitələri haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında.  

30. “Nəşriyyat işi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında.  

31. “Milli arxiv fondu haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında.  

32. Azərbaycan Respublikasının Əmək Məcəlləsində və Azərbaycan Respublikasının Cəzaların İcrası Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş).  

33. “Çernobıl qəzasının ləğvində iştirak etmiş və həmin qəza nəticəsində zərər çəkmiş vətəndaşların statusu və sosial müdafiəsi haqqında”, “Dövlət sosial sığorta sistemində fərdi uçot haqqında” və “Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında.  

34. “Sosial sığorta haqqında”, “Ünvanlı dövlət sosial yardımı haqqında”, “Sosial müavinətlər haqqında” və “Əmək pensiyaları haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında.  

35. “İşsizlikdən sığorta haqqında”, “Əlilliyi olan şəxslərin hüquqları haqqında” və “Məşğulluq haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında.  

36. “Dövlət rüsumu haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).  

37. “Əmtəə nişanları və coğrafi göstəricilər haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).  

38. “Patent haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqın

Almaniya xarici işlər naziri Mixael Zilbert Qara dənizə və Rusiyanın nəzarətindəki Kerç boğazına döyüş gəmilərini göndərməyə hazır olduqlarını açıqlayıb.

O, bu barədə Ukraynaya səfəri çərçivəsində bu ölkənin müdafiə nazirinin müavini Anatoli Petrenko ilə görüşdə bildirib.

Nazir Ukrayna ilə hərbi əməkdaşlıq perspektivlərinin nəzərdən keçirildiyini deyib.

Görüşdə Donbass bölgəsinə Avropada Təhlükəsizlik və Əməkdaşlıq Təşkilatı (ATƏT) tərəfindən müşahidəçilərin göndərilməsi və Rusiyada həbsdə saxlanılan ukraynalı dənizçilərlə bağlı məsələ də müzakirə edilib.

Bu görüş Ukrayna tərəfindən Avro-Atlantik zonasına inteqrasiyası yolunda addımlar atılacağına və NATO dövlətləri ilə əməkdaşlığın gücləndiriləcəyinə dair ehtimalları gücləndirib.