SİYASƏT

“Konyuktura adamı” erməni lobbisindən qat-qat təhlükəlidir…

“Konyuktura adamı” erməni lobbisindən qat-qat təhlükəlidir…

Çox sevdiyim və təkrar- təkrar izlədiyim “Qladiyator” filmində ibrətamiz bir epizod var. Maksimusun iradəsi və qüdrəti qarşısında aciz qalmış Komadus ispaniyalı sərkərdəyə deyir:
Gürcüstan parlamentində Qarabağ separatçısına büstün qoyulmasına etiraz edilib

Gürcüstan parlamentində Qarabağ separatçısına büstün qoyulmasına etiraz edilib

Gürcüstan parlamentinin builki yaz sessiyasının ilk iclasında Axalkalakidə Qarabağ separatçısı olan erməni hərbçi Mixail Avaqyana büstün ucaldılması məsələsi qaldırılıb. “Report”un yerli bürosunun verdiyi xəbərə görə, parlamentin deputatı Azər Süleymanov çıxışında…
Makrondan Rusiyaya ağır ittiham

Makrondan Rusiyaya ağır ittiham

Fransa prezidenti Emmanuel Makron Rusiyanı ölkəsinin daxili işlərinə qarışmaqda ittiham edib. “Exo Moskvı” radiosunun məlumatına görə, o, Rusiya media strukturlarının sosial şəbəkələrdə akkauntları satın aldığını, Fransadakı siyasi proseslərə müdaxilə etdiyini…

LAZER-ep

  • “Ledi Salonda” son model Candella Gentel Lase Pro cihazı ilə son dərəcə güzəştli qiymətlərlə  Aleksandrit Lazer epilyasiyası həyata keçirilir.
  • Epilyasiyadan iki həftə sonra edilən  korreksiya müştəriyə pulsuz (hədiyyə) edilir.

 Keyfiyyət və ucuz qiymət ürəyinizcə olacaq! 

Ünvan: "İnşaatçılar" metrosunun yanı,
"Ledi" gözəllik salonu;

Tel.: 055 268 26 63

ŞAHDAĞ

"ŞAHDAĞ" Turumuza qoşulun və UNUDULMAZ bir gün yaşayın

Çox maraqlı, əyləncəli bir həftəsonuna varmısınız? O zaman bizim "ŞAHDAĞ" Turumuza qoşulun və UNUDULMAZ bir gün yaşayın. Biz Sizə bunu qaranti edirik.

ÖZÜNÜZƏ VAXT AYIRIN

 ƏTRAFLI 

MEGZ

SENTYABRIN 1-DƏ "TƏBRİZ" TƏDRİS MƏRKƏZİNİN YENİ FİLİALININ AÇILIŞI OLDU

Aynur Salmanlı: "Öyrədənlərlə öyrənənlərin ünsiyyətindəki "bumeranq effekti" sonradan bütün cəmiyyətə sirayət edir

Çağdaş Azərbaycan cəmiyyətində gənclərin elmi biliklərin əsaslarına, savada yiyələnmələri, ali məktəblərə hazırlanması işinə repetitorluq institutunun əhəmiyyətli töhfələr verməsi artıq danılmaz gerçəklik kimi etiraf olunur. Ənənəvi model olan orta məktəbdə təhsilin iki tərkib hissəsinin altı cızılırdı - təlim və tərbiyə. Bununla müqayisədə hardasa düşünmək olar ki, repetitor kurslarının fəaliyyəti sırf intensiv təlim prosesinə fokuslanıb və məqsədi yalnız ali təhsil müəssisələrinə qəbul olunacaq abituriyentləri hazırlamaqdan ibarətdir. Amma inandırıcı görünməsə də, az sayda elə tədris mərkəzləri vardır ki, gənclərlə tərbiyəvi iş aparmağı da fəaliyyətlərinin vacib istiqaməti hesab edirlər. Bu günlərdə yeni filialının açılışı olan "Təbriz" Tədris Mərkəzi də belə müəssisələrdəndir.

Yeni filialın (TTM - 3) açılış tədbiri sentyabrın 1-də ("ənənəvi Bilik Günü"ndə) yeni ünvanda (Bakı şəhəri, Nəsimi rayonu, 20 Yanvar küçəsi, 1B) baş tutdu. Xatırladaq ki, "Təbriz" TM-nin Bakı şəhəri, Binəqədi rayonu, Sulutəpə qəsəbəsində əsas və Xocəsən Bələdiyyəsinin yaxınlığında yardımçı filialları fəaliyyət göstərməkdədir. Tədbirə dəvət olunan KİV arasında "Pressinfo.az" saytını bu sətirlərin müəllifi təmsil etmişdir.

Göstərilən ünvandakı binanın tədris profilli müəssisə üçün uğurla seçilmiş korpusu girəcəyindən tutmuş auditoriyalarına qədər bayramsayağı bəzədilmişdi. Fasadın yuxarı hissəsində "Təbriz" TM-də təlim alaraq yüksək nəticələr göstərmiş, tələbə statusu qazanmış  gənclərin şəkilləri sərgilənmişdi. Aşkar görünürdü ki, açılışa hazırlıq işlərində hamı öz vəzifəsinin öhdəsindən layiqincə gəlib - təmirçi ustalar da, TTM-in kollektivi də. Hiss olunurdu ki, tədbirin gözəl alınması üçün müəllimlər də, kurslara cəlb olunmuş gənclər də böyük həvəslə, şövqlə çalışmışdılar. Hələ rəsmi hissə başlamazdan öncə qonaqlar - ictimaiyyət nümayəndələri, təlim alan gənclərin valideynləri arasında kiçik sorğu apardım. "Təbriz" TM-də verilən təlimin keyfiyyəti, Mərkəzdə çalışan müəllimlərin savadı barədə yüksək fikirlər söylədilər.

Ancaq heç şübhəsiz, təşkilati işlərdə hamıdan artıq TTM-in rəhbəri, təcrübəli pedaqoq Aynur Salmanlı zəhmət çəkmişdi. Elə yeni filialın açılışını bildirən rəmzi qırmızı lenti də o kəsdi. Sonra hamı otaqlar arasında ən geniş olanında hazırlanmış "şirin stol" arxasına, çay süfrəsinə dəvət olundu. Tort kəsildi, paylanıldı.

Giriş nitqi söyləyən Aynur Salmanlı tədbir iştirakçılarını salamladı, qonaqlara dəvəti qəbul etdikləri üçün minnətdarlığını bildirdi. "Təbriz" TM-nin fəaliyyətinin genişlənməsinin, qəsəbədən şəhərin mərkəzinə doğru nüfuz etməsinin artıq zərurətə çevrildiyini, sosial sifariş olduğunu diqqətə çatdırdı. Nailiyyətləri, TM-də təlim alan gənclərin uğurlarını sadaladı və həmin müvəffəqiyyətlərin əldə olunmasında zəhməti olan müəllimlərə minnətdarlığını bildirdi. Daha sonra kollektivə yeni qatılan gənc müəllimləri təqdim etdi, təzə filialda işləyəcək pedaqoqlar haqda, filialllar arası kadr yerdəyişmələri barədə məlumat verdi. Onu heç vaxt aldatmayan "6-cı hissiyat"ına güvəndiyini deyən Aynur Salmanlı inam ifadə etdi ki, komandaya yeni qatılan üzvlərin də əvvəlkilər kimi ümidləri doğruldacağına əmindir.       

Çıxış edən kollektiv üzvləri və qonaqlar "Təbriz" TM-də hökm sürən işgüzar atmosferi təqdir etdilər, yeni açılan filialın da TM-in uğurlarının artmasına töhfə verəcəyinə inandıqlarını söylədilər.

Yenidən söz alan TM rəhbəri bu dəfə yetişməkdə olan gənc nəslin nümayəndələri ilə aparılan tərbiyəvi işin əhəmiyyətindən danışdı: "Şərəfli "Müəllim" adını, bu müqəddəs statusu o qədər sevirəm ki, hətta mənə "Aynur müəllimə" deyil, "Aynur xanım" deyə müraciət edəndə xoşlanmıram. Vaxtilə əlimdən tutub qələmlə yazmağı öyrədən, başıma sığal çəkən sevimli, eyni zamanda tələbkar müəllimlərimdən gördüyüm münasibəti heç vaxt unutmuram. İnanıram ki, təhsil verdiyimiz gənclər də bizdən gördüklərini heç vaxt yaddan çıxarmayacaqlar, sabah işləyəcəkləri sahədə təmasda olduqları insanlara göstərəcəklər. Bilirsiniz, ünsiyyətlərdə də "bumeranq effekti" vardır. Sizə bir misal çəkim. Mən ümumiyyətlə, avtomobil idarə edəndə piyadalara qarşı çox diqqətciləm. Təkcə yol hərəkəti qaydalarına riayət edən bir sürücü kimi deyil, həm də İnsanlıq vəzifəsi daşıyan bir fərd kimi. Qəsəbədə maşınla işə gedib-gələndə yolda rast gəldiyim yaşlı adamları, qadınları, uşaqları saxlayıb götürürəm. Bir dəfə səhər ikən yaxşı tanıdığım bir nəfər gözləmədiyim halda mənim möhkəm xətrimə dəydi. Həmin gün heç kəsə maşın saxlamadım. Sonra da peşman oldum. Dərk etdim ki, hər hansı səbəbdən əhvalımın pozulması, nəyəsə görə ovqatımın korlanması heç də mənə İnsanlıq vəzifəmi unutmağa əsas vermir... Münasibətlər sistemində bir zəncirvari bağlılıq var. Yaxşılığından, pisliyindən asılı olaraq hər bir əməl cəmiyyətdə müvafiq reaksiya doğurur. Və heç də bu reaksiya həmişə ədalətli olmur. Mən kimisə incidirəmsə, o kəs hayıfını məndən də çıxa bilməsə, başqasından alır. Hər kəsin içində xeyirxah mələk var, onu oyatmaq lazımdır.  Dahi Hüseyn Cavid də məhz buna görə deyib ki: "İblis nədir - cümlə xəyanətlərə bais, Ya hər kəsə xain olan insan nədir? - İblis!" Mən həmişə sizlərə sevgi göstərməyə çalışmışam. Siz də "Təbriz"i sevin. Və əmin olun ki, zəhmətiniz hədər getməyəcək. Görün, indiyədək nə qədər ailəni sevindirib gənc üzvünün uğur əldə etməsinə kömək etmişik, nə qədər valideynin alqışlarını, minnətdarlığını qazanmışıq. Bəyəm bu, bizim xoşbəxtliyimiz deyilmi?"

Ümumiyyətlə, tədbirdə müşahidə etdiklərim belə qənaətə gəlməyimə əsas verdi ki, TM-də hətta təlimin nəzərdə tutulmadığı bu cür əlamətdar qeyri-iş günlərində belə öyrədənlərin əsas qayğısı bilik vermək, öyrənənlərin qayğısı isə bilik mənimsəməkdir. Müəllimlər dəhlizdə iki-iki, üç-üç toplaşaraq müasir təhsildə, məktəbdə müşahidə etdikləri tendensiyaları, problemləri müzakirə edir, hansı təlim üsulunun daha effektiv olduğu barədə fikir mübadiləsi aparırdılar. Gənclərsə hansısa dərs məsələlərinin, kurs tapşırıqlarının həlli mövzusunda söhbətləşirdilər. Yəni, hər detal ondan xəbər verirdi ki, burada kifayət qədər ciddi, qarşılarına qoyduqları məqsədə nail olmağa israrlı şəxslər bir araya gəliblər. Uğur olsun!

Pünhan Şükür